Nokkrir Kára-Guttar fóru á
Vatnajökul 24.-25. feb 2006. Fórum föstudagsmorgun af stað og ókum
Jökulheimaleiðina á Grímsfjall þar sem var gist í tvær nætur.
Laugardagurinn var notaður í frábæran túr á Öræfajökul í argandi blíðu.
Sunnudag var farin sama leið heim, en tekin krókur í Veiðivötn.
Myndir: Gunni, Skúli Haukur og nokkrum nappað af Sigurjóni til að
fullkomna verkið.
Fleirri myndir hjá Þrándi og Sigurjóni
Nýjasta tækið í flotanum er þessi glæsilegi Patti hjá Birgi.
Fordinn hans Þrándar er annar nýkominn í flotann.
Hann fékk ágæta eldskírn þegar brotnaði undan honum á bökkum Tungnaár. Gekk þó ágætlega að ná honum upp án skemmda með spili, spotta og hæfilegum mokstri.
Breska heimsveldið sat þarna á spilinu í tilraun til að komast á góðan stað til að ná upp Fordinum. Var þó auðvelt að ná honum upp.
Snjóskúlptúr á Vestari Svíahnjúk. Mótaður af samspili hita og kulda.
Þó Grímsvatnaskálinn sé oft kuldalegur að utan er hann alltaf jafn hlýlegur að innan
Þegar klukkan sló 17.23 var kominn tími á Guinnessfund og var hann haldinn í góða veðrinu uppi á Grímsfjalli.
Einar var rétt merktur á Guinnessfundinum. Beri menn rétt merki á fundi heitir það að vera merkilegur.
Ekið á móti sól til suðurs.
Hillingar mögnuðu fjallasýnina og brugðu upp myndum sem eru kannski ekki alveg í samræmi við raunverulegt landslag jökulsins.
Snæbreið og Hnjúkurinn nálgast.
Horft ofan af Snæbreið.